गृहपृष्ठ काठमाडौंको यो पेट्रोल पम्पका कर्मचारीमा कोरोना पुष्टि
काठमाडौंको यो पेट्रोल पम्पका कर्मचारीमा कोरोना पुष्टि
निकै व्यस्त उपत्यकाभित्रकै पेट्रोल पम्पका कर्मचारीमा कोरोना संक्रमण पुष्टि भएपछि पनि पम्पले बिक्री गर्न छाडेको छैन् ।
काठमाडौंको बाँसबारीस्थित खड्का आयल स्टोर्सका एक कर्मचारीमा कोराना पोजेटिभ देखिएको हो । तर, पनि पेट्रोलपम्प बन्द भएको छैन्, त्यहाँ बिक्री कार्य भइरहेकै छ ।
पम्पका सञ्चालक अच्युत खड्काले परीक्षणमा एक कर्मचारीलाई मात्रै कोरोना देखिएको, तर अरुलाई नदेखिएपछि पेट्रोल पम्पबाट इन्धन विक्री कार्य जारी राखेको बताएका छन् ।
परीक्षणमा एक जनालाई देखिए पनि दुई सातासम्म पेट्रोल पम्प सिल गर्नुपर्ने र अरु कर्मचारी पनि सेल्फ क्वारेन्टाइनमा बस्नु पर्ने हुन्छ । तर, यसलाई बेवास्ता गर्दै इन्धन विक्री गरिएकाले सो पेट्रोल पम्पमा इन्धन भर्न गएका मानिस जोखिममा परेका छन् ।
कोरोना भाइरसको संक्रमण देखिँनै कम्तिमा दुई हप्ता लाग्छ यद्यपी पेट्रोल पम्प सञ्चालकले भने यो कुरालाई बेवास्ता गर्दै संक्रमण फैलाउने जोखिम बढाएका छन् । संक्रमण देखिएका ती व्याक्ति होम आइसोलेसनमा रहेका छन् ।
प्रकाशित समय १८:१९ बजे
